សង្គមបច្ចុប្បន្ន មានមនុស្សជាច្រើនដែលដែលរត់ចាកចោលភូមិដ្ឋាន ស្រុកកំណើតព្រោះជីវភាពគ្រួសារ មានពលរដ្ឋជាច្រើនធ្វើចំណាកស្រុកព្រោះភាពអត់ឃ្លាន មាននិស្សិតជាច្រើនត្រូវរត់ម៉ូតូឌុប រត់កង់បី រត់ដឹកឥវ៉ាន់Onlineភាពតែការងារមិនជ្រើសពួកគេ ។
និយាយមកដល់ចំណុចនេះ មានពាក្យពីរឃ្លាដែលសង្គមនេះតែងតែលើកឡើងថា៖«មានខ្សែកុំភ័យ មិនចេះមិនអីទេ ការងារជាអ្នកបង្រៀន មនុស្ស»។ ការលើកឡើងបែបនេះ តើវាជាការឲ្យតម្លៃលើការអប់រំ ដែរទេ ឬក៏ឲ្យតម្លៃលើការអែបអប លុនតួរណបលុតក្រាបដើម្បីតំណែងមែន ?
ដើម្បីឲ្យច្បាស់ថា សង្គមនេះ គេឲ្យមនុស្សលើមនុស្សលុនតួ ដើរជើងទាជើងមាន់ ទ្រពង កាន់ជើងឥតហេតុផល មិនខ្វល់ពីសង្គម សីលធម៍និងផលប្រយោជន៏ជាតិសង្គម បុគ្គលដទៃ រាស្ត្រស្លូតត្រង់ យើងអាចមើលសកម្មភាពមួយចំនួនដូចជា៖
១ លើគណនីហ្វេសប៊ុក សម្តេចតេជោនាយករដ្ឋមន្ត្រីកម្ពុជាយើង រាល់ពេលដែលលោក ផុសផ្សព្វផ្សាយ មិនថាតែល្បែង បាល់ទាត់ ប្រដាល់ របាំ កំប្លុកកំប្លែង ចម្រៀងអ្វីទេ ឲ្យតែតេជោផុសថា យ៉ាងណា ល្អ អាក្រក់់ហើយដឹង មន្ត្រីឧកញ៉ាតូចធំ ចូលComment Like Shareដាច់មេដៃយកស្នាដៃ កេរឈ្មោះ ហើយក៏ ឆក់ឳកាសនោះបង្ហាញពីសកម្មភាព ការងារខ្លួនដែលបក្សដាក់ឲ្យធ្វើនៅតាមមូលដ្ឋាន ឬក៏ស្នើសុំអ្វីខ្លះ ទុក្ខសោករបស់ខ្លួនខ្លះសរសើពីនយោបាយ ក្រោមមគ្គុទេសន៏របស់តេជោក្នុងការដឹកនាំរដ្ឋាភិបាល។ តែពួកគេមិនដែលលើកបង្ហាញពីសេចក្តីទុក្ខសោក សេចក្តីវេទនារបស់ពលរដ្ឋ សេចក្តីខ្វះខាតរាស្ត្រទេ គឺថា ក្រោមការដឹកនាំរបស់សម្តេចតេជោ ដឹងតែភ្លឺស្វាង មានសុខសន្តិភាពជានិរន្តរភាពអើយ។
តួយ៉ាងដូចជាឧកញ៉ាឌួងឆាយCommentដូច្នេះថា៖«សូមជំរាបសម្តេចពុក លីម តិចម៉េង ជាអ្នកឃុំបុសខ្នុរ ស្រុកចំការលើ ខេត្តកំពង់ចាម ដែលជាមូលដ្ឋានខ្ញុំបានចុះពង្រឹងកាលពីមុន។ គ្រួសារមានជីវប្បវត្តិកំសត់ និងជាកូនប្រុសដែលតស៊ូ»។
ក្រៅពីឧកញ៉ា តារាសម្តែង ក៏ចេញមុខCommentលើកសរសើរ ប្រើពាក្យសម្តីសម្តេចពុក សម្តេចបីតា យកពិន្ធុ យកចិត្តថ្លើមអែបអបយកតែមដែរ ដូចមានគណនីឈ្មោះVanna Rith ដែលជាតារសម្តែង បានលើកឡើងយ៉ាងនេះថា៖«តិចម៉េងឈ្នះ លោកគ្រូពេទ្យក៏ត្រេកអរមិនស្ទេីរដែរសម្តេចពុក»
២.អនុសាសន៏នានារបស់សម្តេចអគ្គមហាសេនាបតី គ្រប់អនុសាសន៏ មិនថាតែដកហូត តែងតាំង ឬយកទីតាំងមួយ យកតំបន់ ត្រពាំងបឹងភ្នំឲ្យឧកញ៉ា កាត់ដីព្រៃអភិរក្សឲ្យឯកជនកាន់កាប់ទេ អ្វីក៏ដោយ គ្រប់អនុសាសន៏របស់សម្តេចពុក សុទ្ធតែល្អឥតខ្ចោះទាំងអស់ ពួកគេមិនខ្វល់ថា មានផលបះពាល់ដល់សង្គមជាតិ ខាត់ ប្រយោជន៏ពលរដ្ឋ ចំណេញតែបុគ្គលឧកញ៉ា ប្រយោជន៏បក្សពួកអ្វីទេ សំខាន់ មុខមាត់ពួកគេ តំណែងពួកគេ។
តួយ៉ាង តាមោក តាម៉ៅថ្មីៗនេះ កាប់ព្រៃខ្ទេចអស់ហើយ សម្តេចចេញសារមកឲ្យទុកតំបន់ជាតំបន់អភិរក្ស នាំគ្នាសាទរយ៉ាងព្រោងព្រាត ពួកគេមិនដែលខ្វល់ថាហេតុអ្វី នរណាបញ្ជា នរណាឲ្យកាប់ព្រៃ លុបបឹងត្រពាំងទេ? ដឹងតែសរសើរយកពិន្ធុ ទប់តំណែង ស្វែងរកខ្សែពួរច្រវ៉ាក់ទាក់រកប្រាក់បន្ថែមប៉ុណ្ណោះ។ ឥឡូវតាម៉ៅ តាមក យ៉ាងនេះហើយ ? តាមពិត វាមិនអាចបកក្រោយបានទេ សេចក្តីប្រកាសនៅតែលើក្រដាស់ទេ ។
មានរឿងជាច្រើនទៀត ដែលយើងលើកជាឧទាហរណ៏ បង្ហាញបញ្ជាក់ការពិតពីសង្គមនេះថាជាសង្គមអែបអប ឬមិនអែបអប សច្ចយុត្តិធម៍ អព្យាក្រិត្យបាន ដូចជាតាមផ្ទះ ភោជណីយដ្ឋាន តាមរថយន្ត កន្លែងរកស៊ី អាជីវកម្មនានា បើមិនពាក់ស្បែកខ្លា តាំងរូបថត ដាក់ពាក្យស្លោកសម្តេចតេជោក «មានតេជោមានសន្តិភាព» «អរគុណសន្តិភាពទេ» អ្នកនោះនឹងមិនមានសន្តិភាពទេ ឬក៏បាត់បង់តួនាទី បាត់ការងារមិនខាន។
